Nafarroako klase politikoa ikusi dugu, patronalaren ordezkariekin batera, Nafarroako Parlamenturako egindako lehenengo hauteskundeen 30. urteurrena ospatzen.
Badute horretarako arrazoirik! Izan ere, duela 30 urte egindako operazioaren bidez, frankistek beren
show more...
boterea bermatu egin zuten. Nafarroa gainontzeko euskal herrialdeetatik isolatu zuten, eskuinaren eta Madrilen gatibu bihurtuz. Nafar langileen aldarrikapenei muzin egin eta patronalari mesede egiten dien joko arauak inposatu zituzten. Eta gainera, hori guztia langileon mesederako zela sinestarazi nahi izan zuten, “Navarra foral y española” horretan ongi biziko ginela esanez.
Krisi ekonomikoak argi utzi du mito horren faltsukeria. Sanz jaunak 400 euroko afariak egiten dituen bitartean, langabetuei 420 euro eskaintzen dizkio Zapaterok… hilabete osorako! Nafar langileok aldaketa behar dugu, Patronalaren, UPNren, Opus Deiren menpe ez egoteko. Eta aldaketa hori bultzatzeko bokazioa du LAB sindikatuak.
Hiru hamarkada hauen balantzea egin eta nafar langileok behar dugun aldaketa ezaugarritzen duen AGIRIA aurkeztu zuen LABek aurtengo maiatzaren lehenean.
Agiri hori nahiz bertan islatutako edukiak gizarteratzeko asmoz, bost aste iraungo duen ekimena egitera goaz orain. Urriaren 2an San Adrianen hasita eta azaroaren 7an Amaiurren amaituta, FURGONETA handi bat ibiliko da herriz herri Nafarroa osotik eta berarekin batera ERAKUSKETA ikusgarri bat. Hamaika EKITALDI egingo dira ibilbidean zehar: auto karabanak, ekitaldi sindikalak, manifestazioak, hitzaldiak, propaganda banaketa…
Parte har ezazu ekimen honetan, bat egin ezazu Alternatiba Sindikalarekin!
http://www.nafarroagorria.org
show less...
